ПРИСТАПНОСТА се појави како резултат на развојот на цивилизацијата, законодавството и секако, развојот на технологијата. Пристапноста се потпира на: признавање, прифаќање и промовирање на правата на сите човечки суштества (главните темели на европската филозофија). Таа се развива врз принципите на: антидискриминација, промовирање на еднаквост и промовирање на инклузија.
Донатор: Град Скопје
Партнер: НВО „Без ограничувања“
Цел на проектот:
Проектот „Скопје град за сите“ е подготвителен проект за имплементација на поголема регионална програма „Град за сите“ за информирање за пристап до инфраструктура за лица со попреченост.
Програмата имплементира дигитално решение кое ја мапира, оценува и коригира пристапноста на објектите и го објавува на апликација што лицата со попреченост можат да ја користат преку повеќе медиуми.
Имплементација на Проектот:
Февруари 2020 – Декември 2020
ФОНДАЦИЈА ИМПАКТ соработуваше со меѓународни организации во Србија кои ја иницираа оваа програма на регионално ниво и успеа да имплементира втора фаза во главниот град Белград. Во Македонија, ФОНДАЦИЈА ИМПАКТ го поттикна подготвителниот проект со Град Скопје и заедно со организација која ги застапува лицата со попреченост, доби мандат за негова имплементација.
Платформата за пристапност „Град за сите“ собира во донаторска корпа соработка со јавни и приватни партнери како што се:
Корисници:
Платформата таргетира:
- Околу 15% од лицата со значителна попреченост во општата популација
- Околу 10% од лицата со лесна попреченост во општата популација
- Околу 20% од повозрасните лица во општата популација
Резултати:
Во подготвителниот проект ќе ги постигнеме следниве резултати:
- ЕВАЛУАЦИЈА на 100 јавни институции кои ќе бидат евалуирани за лицата со попреченост да бидат информирани за нивното ниво на пристапност.
- ОБУКА ЗА ПРИВАТНИОТ СЕКТОР на 20 обучувачи (тренери) кои ќе бидат обучени да ги едуцираат работодавачите како да ги зајакнат лицата со попреченост.
- ПОДИГНУВАЊЕ НА СВЕСТА на 50 угостителски објекти за да станат свесни за нивната ниска пристапност и да започнат со усвојување инфраструктурни промени за да можат да дојдат лицата со попреченост.
